ധ്യാനത്തിലേക്ക് സ്വാഗതം !

കണ്ണ് തുറന്നു പുറത്തേക്കു നോക്കണേ..കണ്ണടച്ച് അകത്തേക്കും!

SUNILMANJERI. MOB:9895 34 56 16

SUNILMANJERI. MOB:9895 34 56 16

SUNILMANJERI MOB:9895 34 56 16

Thursday, April 03, 2014


Wednesday, June 12, 2013

Nokia EOS; a 41 MP camera phone leaked online

Nokia EOS is definitely the most awaited and the most anticipated mobile phone in today’s date and its photographs have recently leaked online.  This device is a phone which will be running on the Windows 8 OS and will be a camera centric handset.
Nokia EOS
Nokia EOS’s most amazing feature is its 41 MP camera which shall most probably come with the PureView branding. There are chances of a Carl Zeiss lens for this camera which most probably might be the Xenon flash. This phone has been codenamed as ‘Elvis’  and is being tested by AT&T. It shall be launched sometime in July and is expected to have OLED display screen. Going by the rumours and the pictures leaked online, Nokia EOS’s screen would be able to deliver a resolution count of 768×1280 pixels.
Nokia EOS will be packed in with 32 GB of internal memory space so that users can store a large number of images and videos which have been taken by the camera. Like the many other Nokia Lumia series mobile phone, EOS too shall be built by using a polycarbonate material. Most probably, this upcoming phone will not be supporting the feature of micro SD card.

Friday, March 08, 2013

വിദ്യാര്‍ഥികള്‍ക്കും അധ്യാപകര്‍ക്കുമായി ‘വൈമേറ്റ്സ്’ വരുന്നു


തിരുവനന്തപുരം: വിദ്യാര്‍ഥികള്‍ക്കും അധ്യാപകര്‍ക്കും മാത്രമായി പുതിയ വെബ്സൈറ്റ് വരുന്നു. പേര് വൈമേറ്റ്സ്. ഇന്ത്യയിലെയും മറ്റ് രാജ്യങ്ങളിലെയും വിദ്യാര്‍ഥികളും അധ്യാപകരും തമ്മിലുള്ള സ്വതന്ത്ര ആശയവിനിമയത്തിനുള്ള വേദിയാണ് വൈമേറ്റ്സ് ഒരുക്കുന്നത്.
വിദ്യാര്‍ഥികള്‍ക്കും അധ്യാപകര്‍ക്കും സ്കൂളുകള്‍ക്കും ഏറെ ഉപകാരപ്പെടും. നിലവാരം മെച്ചപ്പെടുത്താനുള്ള ഏറെ സാധ്യതകളുള്ളതുമാണ് വൈമേറ്റ്സ്.
ഇതര സോഷ്യല്‍ നെറ്റ്വര്‍ക്കുകളില്‍നിന്ന് വ്യത്യസ്തമാണ് വൈമേറ്റ്സിന്‍െറ പ്രവര്‍ത്തനം. അധ്യാപകര്‍ക്കും വിദ്യാര്‍ഥികള്‍ക്കും സ്കൂള്‍ അധികൃതര്‍ക്കുമല്ലാതെ മറ്റാര്‍ക്കും ആശയവിനിമയം അനുവദനീയമല്ളെന്നത് രക്ഷിതാക്കള്‍ക്ക് അനുഗ്രഹമാണ്.

പരമ്പരാഗത ക്ളാസ്മുറികളില്‍നിന്ന് വ്യത്യസ്തമായി ആഗോള ആശയരീതിയാണ് സൈറ്റ് അവലംബിച്ചിരിക്കുന്നത്. ബി.ബി.സി, ബ്രിട്ടീഷ് ലൈബ്രറി, ഖാന്‍ അക്കാദമി, കോര്‍സെറ, എം.ഐ.ടി, ഓപണ്‍ കോഴ്സ്വെയര്‍ തുടങ്ങിയ ആഗോള ഓണ്‍ലൈന്‍ റിസോഴ്സുകള്‍ പരമാവധി പ്രയോജനപ്പെടുത്താന്‍ വൈമേറ്റ്സിലൂടെ സാധിക്കും. പുതിയ വ്യാവസായിക ട്രെന്‍ഡുമായി ബന്ധപ്പെടാനും അവ ഉപയോഗിക്കാനും അതിനനുസരിച്ച് തയാറെടുപ്പുകള്‍ നടത്താനും വിദ്യാര്‍ഥികളെ സജ്ജമാക്കും. ഓണ്‍ലൈന്‍ വിദ്യാഭ്യാസത്തിന് അന്താരാഷ്ട്ര യൂനിവേഴ്സിറ്റികളുമായി സൗജന്യ സര്‍ട്ടിഫിക്കേഷന്‍ സൗകര്യവും വെബ്സൈറ്റില്‍ ഒരുക്കിയിട്ടുണ്ട്.

അധ്യാപകര്‍ക്ക് മെച്ചപ്പെട്ട സേവനം നല്‍കാനും അറിവും നിലവാരവും പരമാവധി മെച്ചപ്പെടുത്താനും സൈറ്റില്‍ മാര്‍ഗങ്ങളേറെയാണ്. അധികരിച്ച റിസോഴ്സുകള്‍ക്കുവേണ്ടി ബന്ധപ്പെടാനുള്ള സൗകര്യം ഒരേ സ്ഥാപനത്തിലെയോ മറ്റ് സ്ഥാപനങ്ങളിലെയോ അധ്യാപകര്‍ക്ക് പരസ്പര ആശയവിനിമയം, പാഠ്യപദ്ധതിയുടെയും അറിവുകളുടെയും കൈമാറ്റം എന്നിവ ഇവയില്‍ ചിലതുമാത്രം.

സ്വകാര്യത, സുരക്ഷ എന്നിവക്കും സൈറ്റ് മുന്‍തൂക്കം നല്‍കുന്നു. എല്ലാവരെയും പ്രത്യേകം നിരീക്ഷിക്കാന്‍ തിരിച്ചറിയല്‍ കോഡുകള്‍ ഉള്ളതിനാല്‍ നുഴഞ്ഞുകയറ്റം, വ്യാജ ഉപയോഗം എന്നിവ തടയാന്‍ കൃത്യമായ സംവിധാനമുണ്ട്. സുഹൃത്തുകളായ ഷാഹിദ് കെ.ടി, സാദിഖ് കെ.ടി, ഷാബിര്‍ കെ.ടി എന്നീ യുവാക്കളുടെ അനുഭവജ്ഞാനവും കഠിനാധ്വാനവുമാണ് വൈമേറ്റ്സെന്ന ഫ്രീ എജുക്കേഷന്‍ നെറ്റ്വര്‍ക്കിനെ വ്യത്യസ്തമാക്കുന്നത്. ടെക്നോപാര്‍ക്ക് സി.ഇ.ഒയായ കെ.ജി. ഗിരീഷ് ബാബുവിന്‍െറ സഹായത്താലാണ് ടെക്നോപാര്‍ക്കിലെ പാര്‍ക്ക് സെന്‍ററില്‍ ജനുവരി 30ന് വൈമേറ്റ്സ് പ്രവര്‍ത്തനം ആരംഭിച്ചത്. ഇതിന്‍െറ ഉദ്ഘാടനം മുഖ്യമന്ത്രി ഉമ്മന്‍ചാണ്ടി നിര്‍വഹിച്ചു. മന്ത്രിമാരായ പി.കെ. കുഞ്ഞാലിക്കുട്ടി, അബ്ദുറബ്ബ് എന്നിവരും ചടങ്ങില്‍ പങ്കെടുത്തു.

2013-14 അധ്യയനവര്‍ഷം മുതല്‍ വിദ്യാര്‍ഥികള്‍ക്കും അധ്യാപകര്‍ക്കും ഇതിന്‍െറ സേവനം ലഭ്യമാകും. ജൂണ്‍ ആദ്യവാരം മുതല്‍ സൈറ്റില്‍ പ്രവേശിച്ച് രജിസ്ട്രേഷന് അപേക്ഷ സമര്‍പ്പിക്കാമെന്ന് വൈമേറ്റ്സ് പിന്നണിക്കാര്‍ അറിയിച്ചു.

Wednesday, March 06, 2013

മൈക്രോസോഫ്റ്റ് സിന്‍‌ക്‌ടോയ് (Microsoft SyncToy)




നിങ്ങളുടെ കമ്പ്യൂട്ടറിലെ ഹാർഡ്‍ഡിസ്ക് പ്രവർത്തന രഹിതമായാൽ എത്രയാണ് നിങ്ങളുടെ നഷ്ടം? ഒരു കമ്പ്യൂട്ടറോ, ലാപ്ടോപ്പോ സ്ഥിരമായി ഉപയോഗിക്കുന്ന ഒരാളോടാണ് ഈ ചോദ്യമെങ്കിൽ, ഒരു സംശയവും വേണ്ട അയാളുടെ ഉത്തരം, നഷ്ടം വിലമതിക്കുവാനാവാത്തതാണ് എന്നാവും. ജോലി ആവശ്യങ്ങൾക്കോ, പഠന ആവശ്യങ്ങൾക്കോ കമ്പ്യൂട്ടറിനെ വളരെയധികം ആശ്രയിക്കുന്നവരാണെങ്കിൽ പറയുകയും വേണ്ട. കരണം, ഒരു കമ്പ്യൂട്ടർ ഉപഭോക്താവിനെ സംബന്ധിച്ചിടത്തോളം ഏറ്റവും അമൂല്യമായ സംഗതി, കമ്പ്യൂട്ടറിൽ സൂക്ഷിക്കപ്പെട്ടിരിക്കുന്ന അവന്റെ ഡേറ്റയാണ്.

വളരെയധികം മെമ്മറി ലഭ്യമായ ഹാർഡ്‍-ഡിസ്കുകൾ ഇന്ന് അധികവിലയില്ലാതെ ലഭ്യമാണ്. ഇതിനാൽ തന്നെ കൂടുതൽ ഡേറ്റ ഹാർഡ്-ഡിസ്കിൽ സൂക്ഷിക്കുവാനും കഴിയുന്നു. എന്നാൽ ഇത്രയും മെമ്മറി ശേഷിയുള്ള ഒരു ഹാർഡ്-ഡിസ്കിന്റെ പ്രവർത്തനം പെട്ടെന്നൊരു ദിവസം നിലച്ചുപോയാലോ? അപ്പോൾ ഉണ്ടാവുന്ന നഷ്ടവും സൂക്ഷിക്കുവാൻ കഴിയുന്ന ഡേറ്റ പോലെ ഭീമമാണ്. ഇതിനൊരു പോം‍വഴി കൃത്യമായി ഹാർഡ്-ഡിസ്കിലെ വിവരങ്ങൾ മറ്റൊരിടത്തുകൂടി സൂക്ഷിക്കുക എന്നതാണ്. ഒരു സി.ഡി.യിൽ/ഡി.വി.ഡി.യിൽ പകർത്തി സൂക്ഷിക്കുകയാണ് ഒരു മാർഗം. എന്നാൽ പലപ്പോഴും, ഒരു പ്രോജക്ട് തുടങ്ങിയാൽ അവസാനിക്കുവാൻ പല മാസങ്ങൾ എടുത്തെന്നു വരാം. ഒരു പ്രോജക്ടിന്റെ തന്നെ അനവധി ബാക്ക്-അപ്പ് സി.ഡി./ഡി.വി.ഡി.കൾ അതിനാൽ നിർമ്മിക്കേണ്ടി വരുന്നു. ഇവിടെയാണ് എക്സ്‍റ്റേണൽ ഹാർഡ്-ഡിസ്ക്കുകൾ ഉപകാരപ്പെടുന്നത്.

80 ജി.ബി. മുതൽ 500 ജി.ബി. വരെയുള്ള എക്സ്‍റ്റേണൽ ഹാർഡ്-ഡിസ്ക്കുകൾ ഇന്ന് വിപണിയിൽ ലഭ്യമാണ്. 2500 മുതൽ 5500 രൂപ വരെയാണ് ഈ ശ്രേണിയിലുള്ള എക്സ്റ്റേണൽ ഹാർഡ്-ഡിസ്ക്കുകളുടെ വില. ഇവയിൽ മിക്കവയും യു.എസ്.ബി. 2.0 സാങ്കേതിക വിദ്യയിൽ പ്രവർത്തിക്കുന്നവയാണ്. പ്രത്യേകം പവർ നൽകേണ്ടവയും, അല്ലാത്തവയും ഇവയിലുണ്ട്. യു.എസ്.ബി. പോർട്ടിൽ നിന്നു തന്നെ പവർ ലഭ്യമാക്കുന്ന മോഡലുകൾക്ക് വില അല്പം അധികമാവുമെന്നു മാത്രം. ഇങ്ങിനെയുള്ള ഒരു ഹാർഡ്-ഡിസ്ക് ഉപയോഗിച്ച് പ്രോജക്ട് ഫയലുകളുടെ ബാക്ക്-അപ് എടുക്കാവുന്നതാണ്. വ്യത്യാസം വരുത്തുന്ന ഫയലുകൾ മാത്രം പുറമേയുള്ള ഹാർഡ്-ഡിസ്കിൽ പുതുക്കിയാൽ മതിയാവും. എന്നാൽ ഇത് സ്ഥിരമായി ചെയ്യേണ്ടിവരുമ്പോൾ, അത് മറ്റൊരു മടുപ്പുളവാക്കുന്ന പ്രക്രിയയാവും. ഏതൊക്കെ ഫയലുകൾ പുതുക്കിയിട്ടുണ്ടെന്നു പരിശോധിച്ച്, അവ തിരഞ്ഞുപിടിച്ച് ബാക്ക്-അപ് ചെയ്യുക എന്നത് സമയമെടുക്കുന്ന പ്രവർത്തിയുമാണ്. എന്നാൽ ഇതു ചെയ്യുവാനായി ധാരാളം സോഫ്റ്റ്‍വെയർ ആപ്ലിക്കേഷനുകൾ ഇന്ന് ലഭ്യമാണ്. അത്തരത്തിലൊന്നാണ് മൈക്രോസോഫ്റ്റ് പുറത്തിറക്കിയിരിക്കുന്ന സിൻ‍ക്‌ടോയ് എന്ന സോഫ്റ്റ്‍വെയർ.

മൈക്രോസോഫ്റ്റ് സിൻ‍ക്‌ടോയ്
സിൻ‍ക്‌ടോയുടെ രണ്ട് പതിപ്പുകൾ നിലവിൽ ലഭ്യമാണ്.സിൻ‍ക്‌ടോയ് 1.4സിൻ‍ക്‌ടോയ് 2.0 ബീറ്റ എന്നിവയാണവ. മൈക്രോസോഫ്റ്റിന്റെ ഡൌൺലോഡ് സൈറ്റിൽ നിന്നും ഇവ സൌജന്യമായി ഡൌൺലോഡ് ചെയ്യാവുന്നതാണ്. വിൻഡോസ് എക്സ്.പി, വിൻഡോസ് വിസ്റ്റ എന്നീ പ്രവർത്തകങ്ങളിൽ ഉപയോഗിക്കുവാനായാണ് ഈ സോഫ്റ്റ്‍വെയർ നിർമ്മിച്ചിരിക്കുന്നത്. ഇൻസ്റ്റലേഷൻ റൺ ചെയ്ത്, മറ്റേതൊരു വിൻഡോസ് സോഫ്‍റ്റ്‍വെയറിനേയും പോലെ ഇതും സിസ്റ്റത്തിലേക്ക് വളരെ എളുപ്പത്തിൽ ഇൻസ്റ്റാൾ ചെയ്യാവുന്നതാണ്.

സിൻ‍ക്‌ടോയ് ഉപയോഗിച്ച് തുടങ്ങുവാനായി ആദ്യം ചെയ്യേണ്ടത്, ഒരു ഫോൾഡർ പെയർ ഉണ്ടാക്കുക എന്നതാണ്. Create New Folder Pair എന്ന ബട്ടണിൽ ക്ലിക്ക് ചെയ്ത് ഇതിനുള്ള ഡയലോഗ് ബോക്സ് ലഭ്യമാക്കാം. തുറന്നുവരുന്ന ജാലകത്തിൽ ഒരു Left Folder-ഉം, ഒരു Right Folder-ഉം ബ്രൌസ് ചെയ്തു നൽകുക. ഇടത് ഫോൾഡറായി നൽകുന്നതാണ് സോഴ്സ്, അഥവാ ബാക്ക്-അപ് ചെയ്യേണ്ട ഫോൾഡർ. നിങ്ങളുടെ ഡോക്യുമെന്റ് ഫോൾഡർ, അല്ലെങ്കിൽ പ്രോജക്ട് ഫയലുകൾ സൂക്ഷിക്കുന്ന ഫോൾഡർ ഇങ്ങിനെ ബാക്ക്-അപ് ആവശ്യമായ ഫോൾഡറുകളിൽ ഒന്ന് സെലക്ട് ചെയ്യുക. വലത് ഫോൾഡർ ഡെസ്റ്റിനേഷനാണ്, ഇത് ഒരു എക്സ്റ്റേണൽ ഹാർഡ്-ഡിസ്ക്, അല്ലെങ്കിൽ ഒരു ഫ്ളാഷ് ഡ്രൈവ്, അതുമല്ലെങ്കിൽ നെറ്റ്‍വർക്കിൽ ബന്ധിപ്പിച്ചിരിക്കുന്ന ഒരു കമ്പ്യൂട്ടർ ഒക്കെ ആകാവുന്നതാണ്. ഫോൾഡറുകൾ തിരഞ്ഞെടുത്ത ശേഷം Next ബട്ടൺ അമർത്തി അടുത്ത ഘട്ടത്തിലെത്തുക. ഇവിടെ നിങ്ങൾക്ക് ഏതു രീതിയിലാണ് ബാക്ക്-അപ് ഈ ഫോൾഡർ പെയറിൽ ചെയ്യേണ്ടതെന്ന് നൽകുക. മൂന്ന് ഓപ്ഷനുകൾ ഇവിടെ ലഭ്യമാണ്.
• Synchronize - ഈ ഓപ്ഷനിൽ സോഴ്സ് ഫോൾഡറിലേയും, ഡെസ്റ്റിനേഷൻ ഫോൾഡറിലേയും ഫയലുകൾ ഇരുഭാഗത്തേക്കും അപ്‍ഡേറ്റ് ചെയ്യപ്പെടും. ഉദാഹരണത്തിന് നിങ്ങൾ ഫ്ളാഷ് ഡ്രൈവിൽ ബാക്ക്-അപ് ചെയ്തിരിക്കുന്ന ഫയലുകൾ ഓഫീസിലും, വീട്ടിലും എഡിറ്റ് ചെയ്യുന്നുണ്ടെന്നു കരുതുക. വീട്ടിൽ നിന്നും ഫയലുകൾ ഫ്ളാഷ് ഡ്രൈവിൽ എടുത്ത് ഓഫീസിൽ ചെല്ലുന്നു. അവിടെ എഡിറ്റ് ചെയ്ത ശേഷം, പുതുക്കിയ ഫയലുകൾ ഫ്ളാഷ് ഡ്രൈവിൽ തിരിച്ച് വീട്ടിലെത്തിക്കുന്നു. ഇപ്പോൾ ഫ്ളാഷ് ഡ്രൈവിലെ ഫയലുകൾ സിസ്റ്റത്തിലേക്കാണല്ലോ അപ്‍ഡേറ്റ് ചെയ്യേണ്ടത്. ഈ രീതിയിൽ ഇരുഭാഗത്തേക്കും പുതുക്കിയ ഫയലുകൾ കൈമാറ്റം ചെയ്യേണ്ടതുണ്ടെങ്കിൽ ഈ ഓപ്ഷൻ തിരഞ്ഞെടുക്കുക. ഫയലുകളുടെ പുതുക്കൽ മാത്രമല്ല; ഫയലുകളുടെ പേരുമാറ്റവും(Renaming), ഒഴിവാക്കലുകളും(Deletion) ഈ രീതിയിൽ രണ്ടിടത്തും ആവർത്തിക്കപ്പെടും.
• Echo - ഇവിടെ സോഴ്സിൽ(Left Folder) ഉള്ള മാറ്റങ്ങൾ ഡെസ്റ്റിനേഷനിൽ(Right Folder) അപ്‍ഡേറ്റ് ചെയ്യുക മാത്രമാണ് ചെയ്യുന്നത്. ഡെസ്റ്റിനേഷനിൽ വരുത്തുന്ന മാറ്റങ്ങൾ സോഴ്സിൽ പുതുക്കപ്പെടുകയില്ലെന്ന് സാരം. ഇടതു ഫോൾഡറിൽ വരുത്തുന്ന ഫയലുകളുടെ പേരുമാറ്റവും, ഒഴിവാക്കലുകളും; വലതു ഫോൾഡറിലും പ്രതിഫലിക്കും.
• Contribute - Echo-യിൽ നിന്നും ഏറെയൊന്നും വ്യത്യസ്തമല്ല ഈ ഓപ്‍ഷൻ. ഇടതു വശത്ത് ഏതെങ്കിലും ഫയൽ ഒഴിവാക്കിയാൽ അത് വലതു വശത്ത് പ്രതിഫലിക്കില്ല്ല എന്നതാണ് ഏക വ്യത്യാസം.
(സിൻ‍ക്‌ടോയ് 1.4-ൽ മറ്റ് രണ്ട് ഓപ്ഷനുകൾ കൂടി ലഭ്യമാണ്. അവ പുതിയ പതിപ്പിൽ ലഭ്യമല്ലാത്തതിനാൽ വിശദീകരിക്കുന്നില്ല.)

അടുത്ത ഘട്ടത്തിൽ ഈ ഫോൾഡർ പെയറിന് ഒരു പേരുനൽകുവാൻ ആവശ്യപ്പെടും. നിങ്ങൾക്കിഷ്ടമുള്ള ഒരു പേരുനൽകി Finish ബട്ടണിൽ അമർത്തുക. ഇപ്പോൾ വലതുഭാഗത്ത് All Folder Pairs എന്നതിന്റെ മുകളിലായി ഫോൾഡർ പെയറിനു നൽകിയ പേരിൽ ഒരു ടാബ് ദൃശ്യമാക്കപ്പെടും. അതിൽ ക്ലിക്ക് ചെയ്ത് ആ ബാക്ക്-അപ് ഫോൾഡർ പെയറിന്റെ ജാലകത്തിൽ എത്താവുന്നതാണ്. Change action എന്നതിൽ ക്ലിക്ക് ചെയ്ത് Synchronize, Echo, Contribute എന്നിവയിൽ ഏതെങ്കിലും ഒന്ന് സെലക്ട് ചെയ്യാവുന്നതാണ്. Change options എന്ന മറ്റൊരു സാധ്യതയും ഇവിടെ ലഭ്യമാണ്. ഇവിടെ എതൊക്കെ ഫയൽ ബാക്ക്-അപ് ചെയ്യുമ്പോൾ ഉൾപ്പെടുത്തണം (ഡിഫോൾട്ട്: * എല്ലാ ഫയലുകളും. *.doc എന്നു നൽകിയാൽ വേഡ് ഡോക്യുമെന്റ് ഫയലുകൾ മാത്രമാവും ബാക്ക്-അപ് ചെയ്യപ്പെടുക.) എന്നു നൽകുവാനുള്ള സാധ്യത; ഏതൊക്കെ ഫയലുകൾ ഒഴിവാക്കണം (ഉദാ: *.exe എന്നിവിടെ നൽകിയാൽ, ആ EXE ഫയലുകൾ ബാക്ക്-അപ് ചെയ്യപ്പെടുകയില്ല.) എന്നു നൽകുവാനുള്ള സാധ്യത; റീഡ്-ഒൺലി ഫയലുകൾ, ഹിഡൻ ഫയലുകൾ, സിസ്റ്റം ഫയലുകൾ എന്നിവ പ്രത്യേകം ഒഴിവാക്കുവാനുള്ള സാധ്യത; എന്നിവ ലഭ്യമാണ്. സോഴ്സായി സെലക്ട് ചെയ്തിരിക്കുന്ന ഫോൾഡറിൽ വിവിധ സബ്‍-ഫോൾഡറുകൾ അടങ്ങിയിട്ടുണ്ടെങ്കിൽ അവയിൽ ചിലതുമാത്രമായി തിരഞ്ഞെടുക്കുവാൻ Select subfolders എന്നതിൽ ക്ലിക്ക് ചെയ്യുക. തുറന്നുവരുന്ന ജാലകത്തിൽ ആവശ്യമുള്ളവ മാത്രമായി സെലക്ട് ചെയ്യാവുന്നതാണ്.

ലഭ്യമായ മറ്റ് ഓപ്ഷനുകൾ:
• Active for run all: ഈ ഓപ്ഷൻ സെലക്ട് ചെയ്താൽ All Folder Pairs എന്ന ടാബിൽ ലഭ്യമായിരിക്കുന്ന Run All എന്ന ബട്ടൺ അമർത്തുമ്പോൾ, ഈ ഫോൾഡർ പെയർ അപ്ഡേറ്റ് ചെയ്യപ്പെടും. ഇത് സെലക്ട് ചെയ്യുന്നില്ലെങ്കിൽ, ഇത് പ്രത്യേകമായി റൺ ചെയ്യുമ്പോൾ മാത്രമേ അപ്ഡേറ്റ് ചെയ്യപ്പെടുകയുള്ളൂ.
• Save overwritten files in the Recycle Bin: ഫയലുകൾ പഴയതിനു മുകളിൽ പുതിയത് കോപ്പി ചെയ്യപ്പെടുമ്പോൾ, പഴയ ഫയൽ റീസൈക്കിൾ ബിന്നിൽ സൂക്ഷിക്കണമെന്നുണ്ടെങ്കിൽ ഈ ഓപ്ഷൻ സെലക്ട് ചെയ്യുക.
• Check file contents: ഫയൽ നെയിം, മോഡിഫൈ ഡേറ്റ്, ഫയൽ സൈസ് എന്നിവയെക്കൂടാതെ അവയ്ക്കുള്ളിലെ വിവരങ്ങൾ കൂടി പരിശോധിച്ച്, അപ്ഡേറ്റ് ചെയ്യണമെങ്കിൽ ഈ ഓപ്ഷൻ തിരഞ്ഞെടുക്കുക. ഇത് സെലക്ട് ചെയ്താൽ ബാക്ക്-അപ് ചെയ്യുവാൻ കൂടുതൽ സമയമെടുക്കുമെന്നതും പ്രത്യേകമോർക്കുക.

ബാക്ക്-അപ് റൺ ചെയ്യുന്നതിനു മുൻപ് ഏതൊക്കെ ഫയലുകളിൽ/ഫോൾഡറുകളിൽ വ്യത്യാസം വരുന്നു എന്നറിയുവാൻ Preview എന്ന ബട്ടണിൽ മൌസമർത്തുക. തുറന്നുവരുന്ന പ്രിവ്യൂ ജാലകത്തിലും അപ്ഡേറ്റ് ആക്ഷനുകൾ ഒഴിവാക്കാവുന്നതാണ്. ആവശ്യമുള്ളവ മാത്രം സെലക്ട് ചെയ്ത ശേഷം Run അമർത്തി ബാക്ക്-അപ് പൂർത്തിയാക്കുക. എക്സ്റ്റേണൽ ഹാർഡ്-ഡിസ്ക്കുകളും പൂർണ്ണമായ സുരക്ഷ പ്രദാനം ചെയ്യുന്നില്ല എന്ന കാര്യം മറക്കാതിരിക്കുക. നിശ്ചിത കാലയളവിൽ ഒരു സി.ഡി.യിലേക്കോ/ഡി.വി.ഡിയിലേക്കോ ഫയലുകൾ പകർത്തി സൂക്ഷിക്കുന്നത് എപ്പോഴും നന്നായിരിക്കും.

(2008 സെപ്റ്റംബർ ലക്കം ഇന്‍ഫോകൈരളി കമ്പ്യൂട്ടര്‍ മാഗസീനില്‍ പ്രസിദ്ധീകരിച്ചത്.) 

Friday, December 07, 2012

വേഗമെന്താണെന്ന് മനസ്സിലാവാന്‍ ഫോര്‍ ജി എല്‍.ടി.ഇയെ അറിയണം



Byline: 
ജിന്‍സ് സ്കറിയ
പറയാന്‍ എളുപ്പമാണ്; കേള്‍ക്കാനും. പക്ഷേ സംഭവം ഇങ്ങത്തെുമ്പോള്‍ ഏറെക്കാലമെടുക്കും. 4 ജി (നാലാംതലമുറ) എന്ന് പറഞ്ഞുകേള്‍ക്കാള്‍ തുടങ്ങിയിട്ടും കാലം കുറേയായി. ഇതുവരെ ഇന്ത്യയിലത്തെിയില്ളെന്ന് മാത്രം.  എന്തിന് 3 ജി (മൂന്നാംതലമുറ) പോലും അതിന്‍റ പൂര്‍ണപ്രഭയില്‍ പല മഹാനഗരങ്ങളിലും (മെട്രോ) ലഭ്യമല്ല. അതിനിടയ്ക്കാണ് 3 ജിയേക്കാള്‍ പത്തിരട്ടി വേഗവുമായി 4 ജി എല്‍.ടി.ഇ അഥവാ ഫോര്‍ത്ത് ജനറേഷന്‍ (നാലാം തലമുറ) ലോങ് ടേം ഇവല്യൂഷന്‍ വരുന്നത്. സെക്കന്‍ഡില്‍ 100 മെഗാ ബിറ്റ്സ് വരെ ഡൗണ്‍ലോഡ് സ്പീഡ്, 50 മെഗാ ബിറ്റ്സ് വരെ അപ്ലോഡ് വേഗം എന്നിവയാണ് എല്‍.ടി.ഇ വാഗ്ദാനം ചെയ്യുന്നത്. ഇത് 200 കിലോമീറ്റര്‍ വേഗതയില്‍ വാഹനത്തില്‍ പോകുമ്പോഴത്തെ കാര്യം. നടക്കുകയോ നില്‍ക്കുകയോ ആണെങ്കില്‍ സെക്കന്‍ഡില്‍ ഒരു ജിഗാ ബിറ്റ്സ് ആണ് വേഗം.
 
വയര്‍ലെസ് വിവരവിനിമയ രംഗത്തെ ഈ നവാതിഥിയെ തേര്‍ഡ് ജനറേഷന്‍ പാര്‍ട്ണര്‍ഷിപ് പ്രോജക്ട് (3 ജി.പി.പി) ആണ് വികസിപ്പിച്ചത്. പരസ്പരം മത്സരിക്കുന്ന നിരവധി നാലാംതലമുറ സേവന നിലവാരങ്ങള്‍ (4 ജി സ്റ്റാന്‍ഡേര്‍ഡ്സ്) ഒത്തൊരുമിക്കുന്ന വേദിയാണ് എല്‍.ടി.ഇ. അള്‍ട്രാ മൊബൈല്‍ ബ്രോഡ്ബാന്‍ഡ്, വൈമാക്സ് എന്നിവ ഇതില്‍പ്പെടുന്നു. നിലവില്‍ നമ്മള്‍ വയര്‍ലെസ് സേവനദാതാവിനെ (സര്‍വീസ് പ്രൊവൈഡര്‍) നോക്കിയാണ് മൊബൈല്‍ സിം (സബ്സ്ക്രൈബേഴ്സ് ഇന്‍ഡക്സ് മൊഡ്യൂള്‍) തെരഞ്ഞെടുക്കുന്നത്. ബി.എസ്.എന്‍.എല്‍, ഐഡിയ, വോഡഫോണ്‍, എയര്‍ടെല്‍ എന്നിങ്ങനെ. ഇത് എല്‍.ടി.ഇയിലത്തെുമ്പോള്‍ ദാതാവിന് പകരം സേവനകേന്ദ്രീകൃതമാകും. അപ്പോള്‍  കമ്പനിക്ക് പകരം ഓരോയിടത്തും മികച്ച സൗകര്യങ്ങളും വേഗതയും നല്‍കുന്ന സേവനദാതാവിനെ ഇഷ്ടപ്രകാരം തെരഞ്ഞെടുക്കാന്‍ കഴിയും. 
 
ഒന്നിലധികം പേര്‍ കളിക്കാവുന്ന ഗെയിം, തടസ്സമില്ലാത്ത ലൈവ് വീഡിയോ എന്നിവ എല്‍.ടി.ഇ സമ്മാനിക്കുന്നു.   4 ജി ഇന്‍റര്‍നെറ്റ് പ്രോട്ടോക്കോള്‍ അധിഷ്ഠിതമായ കോളിങ്, ഇന്‍റര്‍നെറ്റ് സേവനങ്ങള്‍ നല്‍കുന്നു. എല്‍.ടി.ഇ ആകട്ടെ സേവനങ്ങളുടെ വേഗതയിലാണ് ശ്രദ്ധിക്കുന്നത്. ഇതാണ് 4 ജിയും 4 ജി എല്‍.ടി.ഇയും തമ്മിലുള്ള പ്രധാന വ്യത്യാസം.
 
  •  ഒന്ന് മുതല്‍ മൂന്നുവരെ തലമുറകള്‍
കോളിങ് മാത്രം കഴിയുന്ന ആദ്യ തലമുറ (1 ജി) മൊബൈല്‍ നെറ്റ്വര്‍ക്കുകള്‍ അനലോഗ് ആയിരുന്നു. പിന്നീട് വന്ന ഡിജിറ്റല്‍ നിലവാരത്തിലുള്ള രണ്ടാംതലമുറയില്‍ (2 ജി) മെസേജ് അയയ്ക്കാനും പരിമിത വേഗത്തിലുള്ള ഇന്‍റര്‍നെറ്റ് ഉപയോഗിക്കാനും കഴിഞ്ഞു. 3 ജി(മൂന്നാംതലമുറ )യില്‍  വീഡിയോ കോളിങ്, ലൈവ് ടി.വി അടക്കം വേഗതയുള്ള മൊബൈല്‍ ഇന്‍റര്‍നെറ്റ് സൗകര്യമുണ്ട്. സിമ്മും ഫോണും പ്രത്യേകമുള്ള  ജി.എസ്.എം (ഗ്ളോബല്‍ സിസ്റ്റം ഫോര്‍ മൊബൈല്‍ കമ്യൂണിക്കേഷന്‍ ) അടിസ്ഥാനമാക്കിയ 2 ജിയില്‍ സമയം വിഭജിച്ചാണ് വിവരം വിനിമയം ചെയ്യുന്നത്.  ഫോണും സിമ്മും ഒരുമിച്ച് ലഭിക്കുന്ന സി.ഡി.എം.എയില്‍ (കോഡ് ഡിവിഷന്‍ മള്‍ട്ടിപ്പിള്‍ അക്സസ്) ഓരോ യൂസറിനും പ്രത്യേക കോഡ് നല്‍കുന്നു. ഇതനുസരിച്ച്  കോഡ് വിഭജന സംവിധാനത്തിലൂടെയാണ് വിവര വിനിമയം നടക്കുന്നത്. 
 
ജി.എസ്.എം യൂറോപ്യന്‍ നിലവാരത്തിലുള്ളതും സി.ഡി.എം.എ അമേരിക്കന്‍ നിലവാരത്തിലുള്ളതുമായ റേഡിയോ സാങ്കേതികവിദ്യകളാണ്. 2 ജിയില്‍ ജി.പി.ആര്‍.എസ് (ജനറല്‍ പാക്കറ്റ് റേഡിയോ സര്‍വീസ്), എന്‍ഹാന്‍സ്ഡ് ജി.പി.ആര്‍.എസ് എന്ന എഡ്ജ് (എന്‍ഹാന്‍സ്ഡ് ഡാറ്റ ഫോര്‍ ജി.എസ്.എം ഇവല്യൂഷന്‍) എന്നീ വിവര വിനിമയ നിലവാരങ്ങളിലൂടെയാണ് ഇന്‍റര്‍നെറ്റ് സൗകര്യം ലഭ്യമാക്കിയത്. ജി.പി.ആര്‍.എസില്‍ സെക്കന്‍ഡില്‍ 56 മുതല്‍ 114 വരെ കിലോ ബിറ്റ്സ്, എഡ്ജില്‍ സെക്കന്‍ഡില്‍ 384 കിലോ ബിറ്റ്സ് എന്നിങ്ങനെയായിരുന്നു ഡാറ്റ കൈമാറ്റ വേഗം. 2 ജിക്കൊപ്പം ജി.പി.ആര്‍.എസ് ഉള്ളതിനെ 2.5 ജി എന്നും എഡ്ജ് ഉള്ളതിനെ 2.75 ജി എന്നും പറയുന്നു. ഇതിനെ ത്രീ ജിയായി കണക്കാക്കുന്നില്ല. തുടര്‍ന്നാണ് വീഡിയോ കോളിങ്, ലൈവ് ടി.വി അടക്കം അതിലേറെ വേഗതയുള്ള മൊബൈല്‍ ഇന്‍റര്‍നെറ്റ് സൗകര്യവുമായി മൂന്നാംതലമുറ (3 ജി) വരുന്നത്.
ജി.എസ്.എമ്മില്‍ യൂനിവേഴ്സല്‍ മൊബൈല്‍ ടെലികമ്യൂണിക്കേഷന്‍ സിസ്റ്റത്തിലൂടെ (യു.എം.ടി.എസ്) അഥവാ എച്ച്.എസ്.പി.എ പ്ളസ് (ഇവോള്‍വ്ഡ് ഹൈ സ്പീഡ് പാക്കറ്റ് ആക്സസ്) ആണ് വേഗത്തിലുള്ള 3 ജി വിവരവിനിമയം സാധ്യമാകുന്നത്. സി.ഡി.എം.എയില്‍ ഇവി-ഡിഒ  (ഇവല്യൂഷന്‍ ഡാറ്റ ഒപ്റ്റിമൈസ്ഡ്) ആണ് 3 ജി നിലവാരം നല്‍കുന്നത്. യു.എം.ടി.എസില്‍  സെക്കന്‍ഡില്‍ 2 മെഗാ ബിറ്റ്സ് വരെയും ഇവി-ഡിഒയില്‍ സെക്കന്‍ഡില്‍ 2.4  മെഗാ ബിറ്റ്സ് വരെയുമാണ് വേഗം. ഈ നിരക്കിലുള്ള വേഗം പലയിടത്തും ലഭിക്കാറില്ളെന്നതാണ് സത്യം.
 
മറ്റ് വയര്‍ലെസ് സേവനങ്ങളായ വൈമാക്സ് ( വേള്‍ഡ് വൈഡ് ഇന്‍ററോപ്പറബിളിറ്റി ഫോര്‍ മൈക്രോ വേവ് അക്സസ്) 30 മുതല്‍ 40 മെഗാ ബിറ്റ്സ് വരെ സ്പീഡാണ് നല്‍കുന്നത്. ഇതിന്‍റ കവറേജ് സ്ഥലങ്ങളെ ഹോട്ട്സോണ്‍ എന്നാണ് പറയുന്നത്. ചലിക്കാത്ത അവസരങ്ങളില്‍ 50 കിലോമീറ്റര്‍ വരെ നെറ്റ്വര്‍ക്ക് പരിധി ലഭിക്കും. 2011ല്‍ നിശ്ചല നെറ്റ്വര്‍ക്കിന്‍റ വേഗം സെക്കന്‍ഡില്‍ ഒരു ജിഗാ ബിറ്റ്സ് വരെയായി. രണ്ടാമനായ വൈ ഫൈ (വയര്‍ലെസ് ഫിഡലിറ്റി) ലഭിക്കുന്ന സ്ഥലങ്ങള്‍ക്ക് ഹോട്ട് സ്പോട്ട് എന്നാണ് പേര്. ഈ സ്ഥലങ്ങളില്‍ 11 മെഗാബിറ്റ്സ് വരെ വേഗത ലഭിക്കും. 30 മുതല്‍ 100 വരെ മീറ്ററാണ് നെറ്റ്വര്‍ക്ക് പരിധി. മറ്റ് 3 ജി സാങ്കേതികവിദ്യകളായ ഹൈ സ്പീഡ് ഡൗണ്‍ലിങ്ക് പാക്കറ്റ് അക്സ്സ് (എച്ച്.എസ്.ഡി.പി.എ) 14.4 മെഗാബിറ്റ്സ്, ഹൈ സ്പീഡ് അപ്ലിങ്ക് പാക്കറ്റ് അക്സസ് (എച്ച്.എസ്.യു.പി.എ) 5.76 മെഗാബിറ്റ്സ് എന്നിങ്ങനെയാണ് വേഗ നിരക്ക്.
 
  • സ്വതന്ത്ര കൂട്ടായ്മ
എല്‍.ടി.ഇയില്‍ നിലവിലുള്ള ഈ സാങ്കേതികവിദ്യകളെല്ലാം ഒരുമിക്കുകയാണ്. 2 ജി, 3 ജി, 4 ജി എല്‍.ടി.ഇ എന്നീ സേവനങ്ങള്‍ ഒറ്റ ഉപകരണത്തില്‍ ലഭിക്കും. അതുകൊണ്ട് നിലവിലുള്ള സംവിധാനങ്ങളെ പൂര്‍ണമായി ഇല്ലാതാക്കേണ്ടിവരുന്നില്ല.  അതിവേഗത്തില്‍ മൊബൈല്‍ വെബ്, ബഫറിങ്ങില്ലാതെ ഹൈ ഡെഫനിഷന്‍ മൊബൈല്‍ ടി.വി, ത്രീ ഡി ടെലിവിഷന്‍, വീഡിയോ കോണ്‍ഫറന്‍സിങ് എന്നിവ എല്‍.ടി.ഇയില്‍ സുഗമമായി സാധ്യമാകും. സ്വതന്ത്ര മൊബൈല്‍ വേദി (പ്ളാറ്റ്ഫോം) ആയതിനാല്‍ മൊബൈല്‍ നെറ്റ്വര്‍ക്ക് കമ്പനികളെ ആശ്രയിക്കാതെ ഗൂഗിള്‍, മൈക്രോസോഫ്റ്റ് പോലുള്ള സോഫ്റ്റ്വെയര്‍ വികസന ഭീമന്മാര്‍ക്കും ഉപഭോക്തൃസേവനങ്ങള്‍ നല്‍കാന്‍ കഴിയും. 
 
ഒന്നിലധികം ആന്‍റിനകള്‍ ഉപയോഗിച്ച് വിവരങ്ങള്‍ സ്വീകരിക്കുകയും അയയ്ക്കുകയും ചെയ്യുന്ന മിമോ (മള്‍ട്ടിപ്പിള്‍ ഇന്‍പുട്ട് മള്‍ട്ടിപ്പിള്‍ ഒൗട്ട്പുട്ട്), സിഗ്നല്‍ പരസ്പരം കൂട്ടിമുട്ടാതിരിക്കാന്‍ കുറച്ചധികം ഡിജിറ്റല്‍ വിവരങ്ങളെ വിഭജിച്ച് വിവിധ തരംഗദൈര്‍ഘ്യത്തിലുള്ള ചെറു തരംഗങ്ങളാക്കി ഒരുമിച്ച് പ്രസാരണം ചെയ്യുന്ന ഓര്‍ത്തോഗണല്‍ ഫ്രീക്വന്‍സി ഡിവിഷന്‍ മള്‍ട്ടിപ്ളക്സിങ് (ഒ.എഫ്.ഡി.എം), ഒരേസമയം വിവിധ ഉപഭോക്താക്കളെ ലക്ഷ്യമിടുന്ന ഓര്‍ത്തോഗണല്‍ ഫ്രീക്വന്‍സി ഡിവിഷന്‍ മള്‍ട്ടിപ്പിള്‍ അക്സസ് (ഒ.ഫ്.ഡി.എം.എ), കോളിങ്, ബ്ളൂടൂത്ത്, വൈ ഫൈ, ജി.പി.എസ് തുടങ്ങിയ വിവിധ പ്രവൃത്തികള്‍ക്കുള്ള നിരവധി റേഡിയോ സിഗ്നലുകള്‍ കൈകാര്യം ചെയ്യുന്ന സോഫ്റ്റ്വെയര്‍ ഡിഫൈന്‍ഡ് റേഡിയോ (എസ്.ഡി.ആര്‍), സമയം വിഭജിച്ച് സംഭാഷണം, വീഡിയോ, ഇന്‍റര്‍നെറ്റ് തുടങ്ങിയവ നല്‍കുന്ന ചൈന വികസിപ്പിച്ച ടൈം ഡിവിഷന്‍ സിങ്ക്രണസ് കോഡ് ഡിവിഷന്‍ മള്‍ട്ടിപ്പിള്‍ അക്സസ് (ടി.ഡി-എസ്.സി.ഡി.എം.എ), വൈമാക്സ് തുടങ്ങിയ സാങ്കേതികവിദ്യകളെല്ലാം ഒരുമിച്ച് 4 ജി എല്‍.ടിയില്‍ ഉപയോഗിക്കുന്നു. അങ്ങനെ നിരവധി റേഡിയോ പ്രസാരണ സാങ്കേതികവിദ്യകളെ ഒരു സ്വതന്ത്ര വേദിയില്‍ (ഓപണ്‍ വയര്‍ലെസ് ആര്‍ക്കിടെക്ചര്‍ അഥവാ ഒ.ഡബ്ള്യൂ.എ) കൊണ്ടുവരികയാണ് എല്‍.ടി.ഇ. മൊബൈല്‍ഫോണ്‍, വീട്ടിലെ ഫോണ്‍, ഓഫിസ് ഫോണ്‍ സേവനങ്ങളെല്ലാം ഇിവടെ ഒരുമിച്ച് ലഭിക്കുന്നു.
 
  • കാത്തിരുന്നേ പറ്റൂ
എയര്‍ടെല്‍  4 ജി സര്‍വീസ് കൊല്‍ക്കത്തയില്‍ ഈ വര്‍ഷം തുടങ്ങിയിട്ടുണ്ട്. അമേരിക്ക, ഇംഗ്ളണ്ട്, ആസ്ട്രേലിയ തുടങ്ങിയ രാജ്യങ്ങളില്‍ എല്‍.ടി.ഇ സേവനം തുടങ്ങിയിട്ടുണ്ട്. ന്യൂസിലന്‍ഡ് 2013ല്‍ ഈ ലോകത്തേക്ക് പ്രവേശിക്കും. ആപ്പിള്‍ ഐ ഫോണ്‍ 5,  ഐപാഡ് 4, ഐപാഡ് മിനി, സാംസങ് ഗ്യാലക്സി എസ് ത്രീ, നോട്ട്, നോട്ട് ടു, ഗ്യാലക്സി എസ്.ടു, എല്‍.ജി റവല്യൂഷന്‍, മോട്ടറോള ഡ്രോയിഡ് റേസര്‍, ഫോട്ടോണ്‍ ക്യൂ, എച്ച്.ടി.സി ഇവോ തുടങ്ങിയവ  4 ജി എല്‍.ടി.ഇ സംവിധാനമുള്ള ചില ഫോണുകളാണ്.