കൊച്ചി: മൊബൈല്‍ ടവറുകള്‍ ആരോഗ്യ പ്രശ്നങ്ങളുണ്ടാക്കുന്നതായി റിപ്പോര്‍ട്ടുകളില്ളെന്ന് കേന്ദ്രസര്‍ക്കാര്‍. മൊബൈല്‍ ടവറുകള്‍ക്ക് അനുമതി നല്‍കുന്നതുമായി ബന്ധപ്പെട്ട് ഹൈകോടതിയില്‍ സമര്‍പ്പിക്കാന്‍ അഡീഷനല്‍ സോളിസിറ്റര്‍ ജനറലിന് കൈമാറിയ സത്യവാങ്മൂലത്തിലാണ് ഇക്കാര്യം വ്യക്തമാക്കിയത്.
മുംബൈ ഹൈകോടതി നിര്‍ദേശപ്രകാരം കേന്ദ്ര ആരോഗ്യ- കുടുംബക്ഷേമ മന്ത്രാലയം ഇക്കാര്യത്തില്‍ പഠനം നടത്തി. എന്നാല്‍, മൊബൈല്‍ ടവറുകള്‍ ആരോഗ്യപ്രശ്നങ്ങളുണ്ടാക്കുന്നതായി കണ്ടത്തൊനായില്ല. ലോകാരോഗ്യ സംഘടനയുടെ റിപ്പോര്‍ട്ടിലും മൊബൈല്‍ ടവറുകള്‍ക്ക് എതിരായ പരാമര്‍ശങ്ങളില്ല. ഈ സാഹചര്യത്തില്‍ മൊബൈല്‍ ടവര്‍ സ്ഥാപിക്കാന്‍ അനുമതി നല്‍കാമെന്നാണ് കേന്ദ്രസര്‍ക്കാര്‍ അറിയിച്ചത്.
തൃപ്പൂണിത്തുറ നഗരസഭാ പ്രദേശത്ത് മൊബൈല്‍ ടവര്‍ സ്ഥാപിക്കുന്നത് ചോദ്യം ചെയ്ത് സമര്‍പ്പിച്ച ഹരജിയിലാണ് കേന്ദ്ര സര്‍ക്കാറിന്‍െറ സത്യവാങ്മൂലം. എന്നാല്‍, ടവര്‍ നിര്‍മാണവുമായി ബന്ധപ്പെട്ട നൂറുകണക്കിന് ഹരജികള്‍ കോടതികളുടെ പരിഗണനയിലുണ്ട്. ജനങ്ങളുടെ പ്രതികരണമാരായാതെ ടവറുകള്‍ക്ക് നല്‍കുന്ന അനുമതി പിന്നീട് പ്രക്ഷോഭമുണ്ടാകുമ്പോള്‍ റദ്ദാക്കുന്ന തദ്ദേശ സ്വയംഭരണ സ്ഥാപനങ്ങളുടെ നടപടിയെ കഴിഞ്ഞ ദിവസം കോടതി വിമര്‍ശിച്ചിരുന്നു.
0 അഭിപ്രായ(ങ്ങള്‍) :
Post a Comment