ഫെബ്രവരി16-22
ഫെബ്രവരി16:
- കൊല്ലം തീരത്തുനിന്ന് മത്സ്യബന്ധത്തിനു പോയ രണ്ട് മല്‍സ്യ തൊഴിലാലികള്‍ക്കു നേരെ ഇറ്റാലിയന്‍ കപ്പല്‍ സുരക്ഷാ ഗാര്‍ഡുകള്‍ വെടിവെച്ചു കൊന്ന സംഭവത്തില്‍ കേന്ദ്ര വിദേശകാര്യ മന്ത്രാലയം ഇറ്റലിയെ ശക്തമായ നടുക്കവും പ്രതിഷേധവും അറിയിച്ചു.
- പാമോലിന്‍ അഴിമതി കേസിലെ സ്പെഷല്‍ പ്രോസിക്യൂട്ടര്‍ പി.എ.അഹ്മദ് രാജിവെച്ചു.
- സമസ്ഥാന ഖാദിബോര്‍ഡ് ചെയര്‍മാനായി കെ.പി.നൂറുദ്ദീനും കെ.ടി.ഡി.സി ചെയര്‍മാനായി വിജയന്‍ തോമസും നിയമിതരായി.കെ.സി.റോസക്കുട്ടി വനിതാ കമീഷന്‍ അധ്യക്ഷ.
- ആസ്ത്രേലിയന്‍ ക്രിക്കറ്റ് താരം ആന്‍ഡ്യ്രു സൈമണ്ട്സ് കളിയില്‍ നിന്നും വിരമിച്ചു.
- തൃശൂരില്‍ നടന്ന സംസ്ഥാന സ്കൂള്‍ കലോല്‍സവം മാധ്യമ അവാര്‍ഡുകള്‍ പ്രഖ്യാപിച്ചു.സമഗ്ര റിപ്പോര്‍ട്ടിങ്ങിന് ദേശാഭിമാനിക്കും മികച്ച റിപ്പോര്‍ട്ടര്‍ക്കുള്ള പുരസ്കാരം മാത്യഭൂമിയിലെ എ.കെ. ശ്രീജിത്തനും മികച്ച കാര്‍ട്ടൂണിനുള്ള പുരസ്കാരം മാധ്യമത്തിലെ പി.ആര്‍.രാഗേഷിനും ലഭിച്ചു.
- മുന്‍ ഇന്ത്യന്‍ വിദേശകാര്യ സെക്രട്ടറി എം.എ വെള്ളോടി അന്തരിച്ചു.
- അഴിമതി ആരോപണത്തെതുടര്‍ന്ന് ജര്‍മന്‍ പ്രസിഡന്റ് ക്രിസ്റ്റ്യന്‍ വൂള്‍ഫ് രാജിവെച്ചു.
- ചീഫ് വിപ്പ് പി.സ.ി ജോര്‍ജിന് ഇരട്ട പതവി പ്രശ്ത്തില്‍ തെരഞ്ഞെടുപ്പു കമീഷന്‍ അനുകൂലമായി വിധിച്ചു.
- പി.ഭാ്കരന്‍ പുരസ്കാരം വി.ദക്ഷിണമൂര്‍ത്തിക്ക് ലഭിച്ചു.
- സീറോ മലബാര്‍ സഭ മേജര്‍ ആര്‍ച്ച് ഭിഷപ്പ് മാര്‍ ജോര്‍ജ് ആലഞ്ചേരി കര്‍ദിനാളായി അഭിഷക്തനായി.
- രണ്ട് മത്സ്യത്തൊഴിലാളികളെ വെടിവെച്ച് കൊന്ന ഇറ്റാലിയന്‍ കപ്പലിലെ രണ്ട് നാവിക സേനാംഗങ്ങളെ പൊലീസ് അറസ്റ്റുചെയ്തു.
- 62ാമത് ബര്‍ലിന്‍ ചലച്ചിത്രമേളയില്‍ ഇറ്റലിയിലെ സംവിധായക സഹോദരങ്ങളായ പൗളോ, വിറ്റോറിയോ തവിയാനി എന്നിവര്‍ ചേര്‍ന്നൊരുക്കിയ 'സീസര്‍ മസ്റ്റ് ഡൈ' മികച്ച ചിത്രത്തിനുള്ള ഗോള്‍ഡന്‍ ബിയര്‍ അവാര്‍ഡ് നേടി.
- ഇറാനില്‍നിന്ന് എണ്ണ ഇറക്കുമതി വെട്ടിക്കുറക്കാനുള്ള ബ്രിട്ടന്‍, ഫ്രാന്‍സ് എന്നീ രാഷ്ട്രങ്ങളുടെ തീരുമാനത്തില്‍ പ്രതിഷേധിച്ച് ആ രാജ്യങ്ങളുമായുള്ള എണ്ണവ്യാപാരം ഇറാന്‍ പൂര്‍ണമായി അവസാനിപ്പിച്ചു.
- ജര്‍മനിയുടെ പുതിയ പ്രസിഡന്റായി ജൊവാഷിം ഗവുക്കിനെ നിയമിച്ചു.
- കഞ്ചിക്കോട് കോച്ച് ഫാക്ടറിക്ക് കേന്ദ്ര റെയില്‍വേ മന്ത്രി ദിനേശ് ത്രിവേദി ശിലയിട്ടു.
- വിചാരണ കൂടാതെ ജയിലില്‍ കഴിയുന്ന ഫലസ്തീന്‍കാരന്‍ ഖാദര്‍ അദ്നാനെ മോചിപ്പിക്കാന്‍ ഇസ്രായേല്‍ സമ്മതിച്ചു.
- സംസ്ഥാന സീനിയര്‍ ഫുട്ബോള്‍ കിരീടം മലപ്പുറം ജില്ലക്ക്.
- ആസ്ത്രേലിയന്‍ ക്രിക്കറ്റ് താരം റിക്കി പോണ്ടിങ് ഏകദിനക്രിക്കറ്റില്‍നിന്ന് വിരമിച്ചു.
- പിറവം നിയമസഭാ ഉപതെരഞ്ഞെടുപ്പു മാര്‍ച്ച് 17ന് നടക്കുമെന്ന് തെരഞ്ഞെടുപ്പു കമീഷന്‍ ഉത്തരവിറക്കി.
- ദേശീയ ഭീകരവിരുദ്ധ കേന്ദ്രം (എന്‍.സി.ടി.സി) മാര്‍ച്ച് ഒന്നിന് ആരംഭിക്കാനുള്ള തീരുമാനം കേന്ദ്ര സര്‍ക്കാര്‍ മരവിപ്പിച്ചു.
- ഹോമിയോ ശാസ്ത്രവേദിയുടെ ഡോ. സാമുവല്‍ ഹനിമാന്‍ അവാര്‍ഡ് ഡോ. രാജന്‍ ശങ്കരന്. 50,000 രൂപയും പ്രശസ്തി പത്രവും ശില്‍പ്പവും അടങ്ങുന്നതാണ് അവാര്‍ഡ്.
- ഗുരുവായൂര്‍ ദേവസ്വത്തിന്റെ ജ്ഞാനപ്പാന പുരസ്കാരം താമരശേരി ശങ്കരന് ഭട്ടതിരിക്ക് ലഭിച്ചു.
0 അഭിപ്രായ(ങ്ങള്‍) :
Post a Comment