Friday, December 17, 2010
നോക്കിയ ഇ5 വിപണിയില്
മൊബൈല് നിര്മ്മാണവിതരണവിപണനരംഗത്തെ വമ്പനായ നോക്കിയയുടെ ഇ സീരിസിലെ പുതിയയിനം സ്മാര്ട്ട് ഫോണ് ഇന്ത്യന് വിപണിയില്. ഇ5 എന്ന് നാമകരണം ചെയ്തിരിക്കുന്ന ഇതിന് 12,699 രൂപയാണ് വില ഇ72 സ്മാര്ട്ട് ഫോണുമായി വളരെയധികം സാമ്യമുള്ള ഇതില് കൂടുതല് സാധ്യതകള് കൂട്ടിച്ചേര്ത്തിരിക്കുകയാണ്. ഇതില് 320 x 240 റസലോഷനോടുകൂടിയ 2.36 ടി.എഫ്.ടി ഡിസ്പ്ലേ വൈ-ഫൈ(802.11ബി/ജി) ആന്ഡ് ബ്ലൂടൂത്ത് കണക്ടിവിറ്റി, ക്വാര്ട്ടി കീപാഡ് വിത്ത് 5 നാവിഗേഷന് കീ, ഇന്റേണല് മെമ്മറി 250 എംബിയും റാം സൈസ് 256 എം.ബിയും. ഇതുകൂടാതെ 2 ജി.ബി. എക്സ്റ്റേണല് എസ്.ഡി കാര്ഡ് സപ്പോര്ട്ട്. കുടാതെ നോക്കിയ നല്കുന്ന അനേകം സവിശേഷതകളും ഇതില് ഉള്പ്പെടുത്തിയിട്ടുണ്ട്. മ്യൂസിക് പ്ലെയറിന് വളരെ മികച്ച സ്റ്റീരിയോ സൗണ്ട് ക്വാളിറ്റിയാണ് കമ്പനി വാഗ്ദാനം ചെയ്യുന്നത്. എഫ്.എം റേഡിയോ വിത്ത് 3.5എം.എം. ജാക്, 5 എം.പി ക്യാമറ, ലെഡ് ഫ്ളാഷ്, സംസാരസമയം 7.2 മണിക്കൂര്. നോക്കിയ ഇ5 നല്കുന്ന മികച്ച സവിശേഷതകള് ഇ72നെ അനുസ്മരിപ്പിക്കുന്നതരത്തിലുള്ളതാണ്. ഡിജിറ്റല് കംപാസ്, ഒപ്ടിക്കല് ട്രാക്ക്പാഡ് പിന്നെ വി.ജി.എ വീഡിയോ ഇവയെല്ലാം നോക്കിയയുടെ ശ്രേണിയില് വളരെ മികച്ച പ്രതികരണം ലഭിച്ച ഇ72നെ പ്രതിനിധീകരിക്കുന്നു.
നോക്കിയ സ്മാര്ട്ട്മോണ് സി7 ഇന്ത്യന് മാര്ക്കറ്റിലും
മൊബൈല്രംഗത്തെ ഭീമനായ നോക്കിയ അടുത്തിടെ പുറത്തിറക്കിയ നോക്കിയ സി7 സ്മാര്ട്ട്ഫോര് ഇന്ത്യന് വിപണിയിലും. 3.5 ഡിസ്പ്ലേ സ്ക്രീനോടുകൂടിയ ഈ ഹാന്റ്സെറ്റ് സ്മാര്ട്ട് ലൂക്ക് നല്കുന്നതാണ്. ഇതിന്റെ ആക്ടീവ് മാട്രിക്സ് ഒഎല്ഇഡി സാങ്കേതികതയോടുകൂടിയ സ്ക്രീന് വളരെ മികച്ച നിലവാരത്തിലുള്ളതാണെന്ന് കമ്പനി പറയുന്നു. 360 x 640 റെസല്യുഷനുള്ള ഇതിന്റെ ദര്ശാനനുഭവം വളരെ മികച്ചതാണത്രേ. ടച്ച് സ്ക്രീന് മോഡ് സാധ്യമാകുന്നതാണിത്. 3.5 എം.എം. ഓഡിയോ ജാക് സ്പീക്കര്ഫാണ്, 8 ജി.ബി ഇന്റേണലോടുകൂടി 32 ജി.ബി. കാര്ഡ് സപ്പോര്ട്ടുചെയ്യുന്നതാണ് ഇതിന്റെ മെമ്മറി. മ്യൂസിക് പ്ലെയര്, 8എം.പി. ക്യാമറ, എച്ച്.ഡി വീഡിയോ, യു.എസ്.ബി സപ്പോര്ട്ട്, ഡാറ്റ ട്രാന്സ്ഫറിന് വളരെ വേഗത പ്രധാനംചെയ്യുന്ന ബ്ലൂടൂത്ത് 3.0. ARM 11 680 MHzമൈക്രോപ്രോസസര്. 2ഡി, 3ഡി ഗ്രാഫിക്സ് വീഡിയോകളും ഗെയിംസുകളും സപ്പോര്ട്ടുചെയ്യുന്ന ഗ്രാഫിക് പ്രൊസസര്. ഇതുകൂടാതെ ഫ്ളാഷ്ലിറ്റ് 4.0, വെബ് റണ്ടൈം 7.2 എന്നിവ വെബ് ബ്രൗഡിംഗ് അനുഭവം പ്രധാനം ചെയ്യുന്നു. 9.6 മമണിക്കൂറാണ് ടോക്ക്ടൈം. 2ജി ജി.എസ്.എം ഈ മോഡലില് വര്ക്ക് ചെയ്യുന്നതാണ്. മെറ്റല്, ബ്രൗണ്, ബ്ലാക്ക് എന്നീ മൂന്നു നിറങ്ങളിലായാണ് ഇത് ഇന്ത്യയില് ലഭ്യമാകുന്നത്. നവംബര് ആദ്യവാരം മുതല് ലഭ്യമാകുന്ന ബിസിനസ് ആവശ്യങ്ങള്ക്ക് ഏറ്റവും ഉപകരിക്കുന്ന ഈ മൊബൈല് ഹാന്റ്സെറ്റിനുവേണ്ടി അഡ്വാന്സ് ബുക്കിംഗ് ആരംഭിച്ചതായി നോക്കിയയുടെ അറിയിപ്പില് പറയുന്നു. 20,000 മുതല് 25,000 വരെയാണ് ഇതിന് വില കണക്കാക്കുന്നത്. |
ഫേസ്ബുക്ക് ഇമെയില് സേവനം ഇന്ന് ആരംഭിക്കുന്നു
 ജിമെയിലിനും യാഹൂമെയിലിനും വെല്ലുവിളി ഉയര്ത്തി സോഷ്യല് നെറ്റ്വര്ക്കിംഗ് വെബ്സൈറ്റായ ഫേസ്ബുക്ക് ഇമെയില് സേവനം ആരംഭിക്കുന്നു. 50 കോടി ഫേസ്ബുക്ക് ഉപയോക്താക്കള്ക്കാണ് ഈ സേവനം ഏറെ ഗുണം ചെയ്യുക. തിങ്കളാഴ്ച മുതലാണ് ഫേസ്ബുക്ക് ഇമെയില് സംവിധാനം തുടങ്ങുന്നത്. @facebook.com എന്ന വിലാസമായിരിക്കും ഇമെയിലില് ലഭിക്കുക.സാന്ഫ്രാന്സിസ്കോയില് ഇന്നു നടക്കുന്ന ചടങ്ങില് ഫേസ്ബുക്ക് ഇമെയില് സംവിധാനം ലോകത്തിനു പരിചയപ്പെടുത്തും. `പ്രോജക്ട് ടൈറ്റന്' എന്ന പേരില് രഹസ്യമായാണ് ഫേസ്ബുക്ക് ഇമെയില് സേവനത്തിന്റെ സാങ്കേതിക വിദ്യ വികസിപ്പിച്ചെടുത്തത്. `ജിമെയില് കില്ലര്' എന്നാണ് സൈബര്ലോകം ഈ പ്രോജക്ടിനെ വിശേഷിച്ചിരിക്കുന്നത്. ഫോട്ടോ ഷെയറിംഗ് ഉള്പ്പെടെയുള്ള സൗകര്യങ്ങള് ഇമെയിലിലും ലഭ്യമാകുമെന്നത് ഫേസ്ബുക്കിനു നേട്ടമാകും. ഈ വാര്ത്ത വന്നതു മുതല് യാഹൂ, ഗൂഗിള്, മൈക്രോസോഫ്റ്റ് കമ്പനികള് തങ്ങളുടെ ഇമെയില് സംവിധാനം പരിഷ്കരിക്കാനുള്ള നെട്ടോട്ടത്തിലാണ്. |
എല്.ജിയുടെ പുതിയ സ്മാര്ട്ട്ഫോണ് ഇന്ത്യന് വിപണിയില്
മൊബൈല് രംഗത്ത് ഏറെ പേരെടുത്ത എല്ജി. തങ്ങളുടെ പുതിയ സ്മാര്ട്ട്ഫോണായ എല്.ജി ജിഎം730 ഇന്ത്യന് മാര്ക്കറ്റിലിറക്കി. എയ്ജിന് ജിഎം730 എന്നും അറിയപ്പെടുന്ന ഇത് 3 ഇഞ്ച് ടച്ച് സ്ക്രീന് (262കെ കളര്- വിക്യൂവിജിഎ) ഡിസ്പ്ലേ പ്രധാനംചെയ്യുന്നതാണ്. 240 x 400 ആണ് ഇതിന്റെ റെസല്യൂഷന്. ഓട്ടോ ഫോക്കസ് സവിശേഷതകളോടെ 5 മെഗാപിക്സല് റെസലൂഷനോടുകൂടിയ ക്യാമറ. വീഡിയോ കോളിംഗിന് സെക്കന്ഡറി വി.ജി.എ ക്യാമറയുമുണ്ട്. 289 ഇന്റേണല് മെമ്മറിയോടുകൂടിയ ഇതിന് 32 ജി.ബിവരെ വര്ദ്ധിപ്പിക്കാവുന്ന എക്സ്റ്റേണല് മൈക്രോ സിഡി മെമ്മറിയും ഉപയോഗിക്കാവുന്നതാണ്. ബ്ല്യൂടൂത്ത്, വൈഫൈ, മൈക്രോ യു.എസ്ബി, എ-ജി.പി.എസ്, എം.പി3 പ്ലയര്, എഫ്.എം റേഡിയോ, മൈക്രോസോഫ്റ്റ് വിന്ഡോസ് മൊബൈല് 6.1 പ്രൊഫഷണല്, ക്വാല്കം MSM7201A 528 MHz പ്രോസസ്സര് എന്നിവയുമുണ്ട്. ഈ സെറ്റിന്റെ ബോഡിയുടെ കനം 11.9 എം.എം. ആണ്. അതുപോലെ വളരെ സ്മൂത്തായി ഉരട്ടിയിരിക്കുന്ന ഇതിന്റെ വശങ്ങള് സെറ്റിന് കൂടുതല് ഭംഗിനല്കുന്നു. മറ്റുള്ള സ്മാര്ട്ട്ഫോണുകളേക്കാള് വളരെ വേഗതയോടെ മെസേജിംഗ് ചെയ്യാമെന്നും കമ്പനി അവകാശപ്പെടുന്നുണ്ട്.19,000 രൂപ വില കണക്കാക്കുന്ന ഇത് രാജ്യത്തിന്റെ വിവിധഭാഗങ്ങളിലുള്ള പ്രമുഖ ഷോപ്പുകളില് നിന്നും ലഭിക്കും.
Subscribe to:
Posts
(
Atom
)
